نامیلکەی(خوێندنەوەیەکی کولتووری بۆ شکستەکانی کورد ..)

نووسینی: جەبار جەمال غەریب
کۆکردنەوە و ئامادە کردنی: ڕەحمان نەقشی

 

ئەو نەتەوەیەی لە ناخی خۆیدا ئەوەندە لاواز و کلۆر بێت نەتوانێ برینەکانی خۆی ببینێ، نەتوانێ شێرپەنجەی ناخی هەڵداتەوە، ئەو نەتەوەیەی نەتوانێ ڕووبەڕووی قەدەری خۆی ببێتەوە، ئەو نەتەوەیەی نەتوانێ کێم و پیسیی برینەکانی خۆی لێکاتەوە و فڕێ دات، ئەو نەتەوەیە ژیانی داهاتووی جگە لە وەهم و تراویلکە و خۆهەڵخەڵەتاندن هیچی دیکە نییە. کورد ئەگەر هەزار ساڵی دیکە لە ململانێ و کوشتاردا بێت کە نەتوانێ دەست بخاتە سەر برینەکانی هەر دەگەڕێتەوە خاڵی سفر و سەرەتا.
لەگەڵ هەموو ئەوانەشدا، چەند سەرەقەڵەمێک لە دیاریکردنی برینەکانمان، چەند خاڵی لاوازی زۆر قورس دەستنیشان دەکەم:
یەکەمیان: برینی برایەتی، کورد و برایەتی، کورد و هاوسێکانی، یان کورد و ئاغاکانی.
 دووەم: خیانەت یان نیفاقی سیاسی، یان جیاوازی و یەکتر قبووڵنەکردن، یان تۆڵەکردنەوە و سەری یەکتر پانکردنەوە و دەیان ناوی دیکە.
سێیەم: گەلەکۆمەکیی دنیا لەسەر مانەوەی گەلێک بە کۆیلایەتی. گەلێک بۆ ماوەی سەدان ساڵە هەموو دنیا کۆکن لەسەر ئەوەی کە دەبێ کۆیلە بێ، کە دەبێ ژێردەستە و ملکەچ بێ، کە دەبێ دابەشکراو و خەسیو بێ، هەتا کوشتن و لەناوبردنیشیان لەژێر ئەو سیستەمە جیهانییەدا بە یاسایی کراوە.
 چوارەم: دڵشکانی خودی کورد لەلایەن کوردەوە، خراپ بەکارهێنانی دەسەڵات، فەرامۆشکردنی وێژدان و ئینسانییەت. گەندەڵی و ملهوڕی، برسیکردن و سووککردنی کوردبوون. لێستاندنەوەی هەستی نەتەوەیی لە تاکەکانی کۆمەڵگە.
لەجیاتی پێشەکی: بەشی هەرە زۆری ئەو خاڵانەی سەرەوە پەیوەندیی قووڵیان بە سیاسەت و حزبەوە هەیە، من دەمەوێ شەقێکی توند لە حزب هەڵدەم و لە ڕووی کولتوورییەوە ئەو برینانە بخوێنمەوە.

بۆ خوێندنەوە و دابەزاندنی ئەو نامیلەکە کرتە لێرە بکە

Be the first to comment

Leave a Reply

Your email address will not be published.


*