لە ڕێوڕەسمێکی تایبەت دا تەرمی خاتوو نەسیم عەزیزی بە خاک سپێردرا

ڕۆژی چوارشەممە ڕێکەوتی 14ی ئۆکتوبری 2020ی زایینی بە بەشداری بەشێکی بەرچاو لە کوردانی دانیشووی وڵاتانی سکاندیناڤی، خزم و کەس و بنەماڵە و ئەندامانی حیزب و کۆی ئەندامانی کومیتەی گشتی حیزب لە وڵاتی سوئێد و هەر دوو یەکیەتیەکانی لاوان و ژنان، رێورەسمی بە خاک ئەسپاردنی خاتوو نەسیم عەزیزی کچی فەرماندەی شەهید، حمە عەزیز عەزیز لە گۆڕستانی شاری ڤێسترۆسی وڵاتی سوید بەڕێوەچوو. لەو ڕێورەسمە دا چەپکە گوڵی کومیتەی سوئێد لە لایەن هاورێیان خاتوو کوێستان بابایی و هاورێ نەبەز عەلی دووست بەرپرس و جێگری بەرپرس کومیتەی حیزبی دیموکراتی کوردستان لە سوید، لە سەر گڵکۆی خاتوونی جوانەمەرگ دانراو. دواتر ئامادە بووان بەرەو ساڵۆنی پرسە و سەرەخۆشی بەڕێکەوتن. لە ڕێورسمی پرسەی خاتوو نەسیم دا چەندین پەیام و برووسکەی سەرەخۆشی کە بریتی بوون لە پەیامی مامۆستا عەبدووڵا حەسەن زادە، کاک حەسەن شیوەسەڵی، پەیامی کومیتەی حیزبی دیموکراتی کوردستان لە لایەن خاتوو کویستان بابایی و پەیامی یەکێتی ژنانی دیموکراتی کوردستان لە لایەن خاتوو لەتیفە جەباری،یەوە خوێندرانەوە. پێویست بە ئاماژەیە کە لەو ڕێوڕەسمە دا چەندین بابەتی هونەری لە لایەن هونەرمەندانی لاوی حیزبەکەمان شنۆ ئەحمەدی و کاروان حەکیمزادە، بە هاوکاری هونەرمەندانی موسیک ژەنی گەردی مێدیا پێشکەش بە ڕۆحی خاتوو نەسیم کرا.
جێی ئاماژەیە هاورێیانمان بۆ هڵگرتنەوەی فیلم و وێنەش ئەرک دار بوون و کاری پێسپێردراویان بە باشی راپە راند.

Be the first to comment

Leave a Reply

Your email address will not be published.


*