بەرێوەچوونی کۆریادێک بۆ یادی شەهیدانی میکۆنۆس و شەهیدانی ١٧ی خەرمانان لە ولاتی فینلاند

رۆژی یەکشەممە رێکەوتی ١٣ی مانگی ٩ی ٢٠٢٠ زاییینی لە وڵاتی فینلاند کۆریادێک بە بەشداری هاورێ مادێح ئەحمەدی ئەندامی رێبەری حیزبی دێمۆکرات، بۆ یادی شەهیدانی میکۆنۆس و ١٧ی خەرمانانی قەڵای دێمۆکرات بەرێوەچوو.
بە بەشداری دەیان کەس لە ئەندامانی حیزبی دێمۆکرات و بنەماڵەی سەربەرزی شەهیدان و کوردستانیانی نیشتەجێ لە وڵاتی فینلاند کۆریادێک بۆ یادی شەهیدانی ١٧ی خەرمانان و شەهیدانی میکۆنۆس بەرێوەچوو،
ئەم کۆریادە کە لە شاری تورکووی وڵاتی فینلاند بەرێوەچوو، کات ژمێر 2:30 دوانیوەرۆ بە سروودی ئەی شەهیدان کە لە لایەن ئەندامانی یەکیەتی لاوانەوە پێشکێش کرا دەستی بە کارەکانی کرد.
پاشان شۆرش ئەمینی ئەندامی دەستەی بەرێوەبەری کومیتەی فینلاند پەیامی دەفتەرت سیاسی بۆ یادی شەهیدانی کارەساتی ١٧ی خەرمانانی قەڵای دێمۆکرات بۆ ئامادەبوان خوێندەوە.
دواتر خاتوو سوهەیلا حەداد خۆشکی شەهید نەسرین حەداد بە نوێنەرایەتی بنەماڵەی شەهیدانی حیزب و گەل، پەیامی بنەماڵەی شەهیدانی بەو بۆنەوەیەوە پێشکێش کرد. سوهیلا حەداد لە پەیامی بنەماڵەی شەهیداندا ئاماژەی بەوە دا کە، یەکگرتوویی زیاتری هێزە سیاسیەکان و وەسەیەک کەوتنەوەی بنەماڵەی گەورەی دێموکراتەکان ئاوات و ئامانجی خەڵکی کوردستان و بنەماڵەی شەهیداندا، ئەم کارە بەتایبەتی نیشان دەدا کە دوژمن لە کردەوەکانیدا بەهەڵەداچووە، هاوکات رۆخی شەهیدەکانیش شاد دەکا.
لە درێژەی ئەم کۆریادەدا هەریەک لە یەکیەتیەکانی ژنان و لاوان پەیامێکی هاوبەشیان هەبوو کە خاتوو زولێخا دیباجی پێشکێشی ئامادەبوانی کرد.
برگەێکی دیکەی ئەم کۆریادە تەرخان کرا بۆ وتەکانی بەرێز مادێح ئەحمەدی ئەندامی رێبەری حیزبی دێمۆکرا تی کوردستان کە تایبەت بۆ ئەم کۆریادە بانگهێشت کرابوو. بەرێزیان لە رێگەوە سکایپەوە بۆ بەشداران قسەی کرد.
بەرێز ئەحمەدی لە قسەکانیاندا بە ئاماژەدان بەوەی کە رۆژ و مانگی ساڵ نیە کە تێکۆشەرێکی دێمۆکرات و خەباتکارێکی رۆژهەڵاتی کوردستانی تێدا شەهید نەکرابێ، ئاماژەیان بەودا کە مانگی خەرمانان تێیدا کۆمەلێک رووداو کارەسات تێیدا رووی داوە کە راستە لە رووی مرۆیی و تەشکیالتی سازمانییەوە خەساری قەرەبوو نەکراوە وە پەیکەری حیزبی دێمۆکرات و بزووتنەوەی رزگاریخوازی کوردستان کەو بەڵام هاوکات ئەم پیلانانەی رێژیم چ لە ئاستی کوردستان لە رۆژهەڵاتی کورستان و چ لە ئاستی نێودەوڵەتیدا بێ وڵام نەمایەوە .
مادێح ئەحمەدی لە درێژەی قسەکانیدا باسیان لەوە کرد وڵامی خەڵکی رۆژهەڵاتی کوردستان لە ٢١ی خەرماناندا بەو موشەکبارانەی کرایە سەر بنکەو بارەگاکانی حیزبی دێمۆکرات و بەو ئێعدامانەی لە بەربەیانی ١٧ی خەمانان بەرێوەبرد نیشانیدا کە کورد لە رۆژهەڵاتی کوردستان بەرانبەر بە کوشتار و ئێعدامی خەباتکارانی نەتەوەکەی بێ دەنگ نیەو خاوەن هەڵوێستەو دژی ئەو سیاسەت و پیلانانەی رێژیمن،
بەرێز ئەحمەدی لە درێژەی قسەکانیدا ئاماژەیان بەوەدا کە لە هەردوو کارەساتی شەهیدانی میکۆنۆس و ١٧ی خەرمانان دا کۆمەڵگای جیهانی لە ئاستی بەرزدا بە پێی شەرایەت هەڵوێستان هەبوو لە دادگای میکۆنۆسدا رێبەرانی رێژیم بە تاوانبار ناسێندا و مەحکووم کران لە مووشەکبارانی قەڵای دێمۆکراتدا نوێنەری ئەمریکا لە نەتەوەیەکگرتوەکان و شۆرای ئەمنیەت پەنجەی تاوانی بۆ کۆماری ئیسلامی راکێشاو مەحکوومی کرد.
لە کۆتایی کۆریادەکەدا بنەماڵەی شەهیدانی ١٧ خەرمانان مۆمی یادی شەهیدانیان داگیرسان پاشان هەریەک لە بەرێزان کاک وەستا رەحمان خالید نژاد و کاک خدر میر سەیدی پەخشانە شێعرێکیان لە یادی شەهیدانی قەڵا پێشکێشی بەشداربوان کرد.
شایانی باسە کە لە نێو ئاخنی بەرنامەکەدا ٢ برگە پەخشان و ڤیدئۆی ئامادەکراوی کۆرد کاناڵ تایبەت بە شەهیدانی ١٧ی خەرمانان بۆ بەشدارانی کۆریادەکە بڵاو کرایەوە

حیزبی دێموکراتی کوردستان کۆمیتەی فینلاند

Be the first to comment

Leave a Reply

Your email address will not be published.


*