بۆ شەرمەزارکردنی سزای داسەپاو بەسەر “زارا محەممەدی”دا، لە ئاڵمان خۆپێشاندانێک بەڕێوە چوو

 بە مەبەستی شەرمەزارکردنی سیاسەتی سەركوت و تیرۆر و سزای داسەپاو بەسەر “زارا محەممەدی” مامۆستای زمانی کوردی لە لایان کۆماری ئیسلامیی ئێرانەوە، رۆژی شەممە ١١ی گەلاوێژ، یەكیەتی ژنانی دێموكراتی كوردستان بە هاوبەشی و هاوکاریی چوار رێکخراوی دیکەی بەرگریکاری مافی ژنانی وەک: ڕێكخراوی سەنتەری ژنانی كوردی كۆڵن، ڕێكخراوی ئاسۆی ژنی كورد، كۆمەڵەی ژنانی رۆژهەڵات و یەكیەتی ژنانی دێموكراتی كوردستانی ئێران، لە شاری “کۆڵن”ی ئاڵمان خۆپێشاندانێکی هاوبەشیان بەڕێوە برد.
سەرەتای خۆپێشاندانەكە بە سرودی نەتەوەیی “ئەی رەقیب” و هەروەها یەك خولەك بێدەنگی بۆ رێزگرتن لە گیانی پاكی شەهیدان دەستی پێ کرد.
پاشان پەیامی هاوبەشی ئەم رێكخراوانە بە سێ زمانی كوردی و
ئاڵمانی و فارسی خوێندرایەوە.
لەم خۆپێشاندانەدا، وێڕای لێدانەوە وتەكانی “زارا محەممەدی” کە پێشتر لە سمینارێکی ئانلایندا پێشکەشی کردبوو، بە دەیان وێنەی ئەو مامۆستا دڵسۆزەی نەتەوەکەمان بەرجەستە کرابوونەوە كە سەرەنجی رێبوارانی بۆلای خۆی راکێشابوو.

 

Be the first to comment

Leave a Reply

Your email address will not be published.


*