لە بریتانیا یادی ٧٤ەمین ساڵوەگەڕی دامەزرانی کۆماری کوردستان بەرز راگیرا

ڕۆژی یەکشەممە ٢٦ی جانیوێری ٢٠٢٠، بە بەشداری  کۆمەڵێکی بەرچاو لە ئەندامان و لایەنگران و دۆستانی حیزبی دێموکراتی کوردستان، جێژنی نەتەویی٢ی رێبەندان،  ٧٤مین  ساڵوەگەڕی دامەزرانی کۆماری کوردستان، لە شاری “بێرمینگھام” بەڕێوە چوو.

سەرەتای ڕێورەسمەکە بە خوێندنەوی  سرودی نەتەوایەتی “ئەی رەقیب” و چەند ساتێک بێدەنگی بۆ رێزگرتن گیانی پاکی شەھیدانی کورد و کوردستان دەستی پێ کرد.

ئەوجار لەلایەن پێشکەشکارانی بەرنامەکە خاتوو “مینا سوارە” و کاک “کاوە مودەڕیسی”یەوە وێڕای بەخێرهینانی ئامادەبووان، چەندین کۆپلە شیعر و پەخشان و کورتە باسێک لەسەر دەستکەوتە نەتەوایەتییەکانی کۆماری کوردستان پێشکەش بە بەشداربووان کرا.

لە بەشێکی دیکەی رێوڕەسمەکەدا هاورێ “ئەدیسۆن فەرامەرزی”، بەرپرسی کۆمیتەی حیزبی دێموکراتی کوردستان لە بریتانیا پەیامی دەفتەری سیاسی حیزبی دێموکراتی کوردستان بەم بۆنەوە خوێندەوە..

پاش پێشکەشکردنی پەیامی دەفتەری سیاسی حیزب، ٣ کەس لە پێشمەرگە قارەمان و دێرینەکانی حیزبی دێموکراتی کوردستان، ٣ کەمئەندامی سەنگەر کە بریتی بوون لە بەڕێزان: “عەلی شاداب،  محەممەد میراوەیی و حەسەن مستەفا پوور (جەنگە)”، کە لە سەنگەری خەباتی پێشمەرگانەدا بەشێک لە جەستەیان لەدەست داوە، لە لایەن هاوڕێی بەڕێز “مەولود سوارە”، وەك یەکێک لە بە رابردووترین پێشمەرگەکان و نۆێنەری حیزبی دێموکراتی کوردستان لە بریتانیا، لەوحی رێزلێنانی دەفتەری سیاسی حیزبی دێموکراتی کوردستان و لە لایان هاوڕێ “ئیدیسۆن فەرامەرزی”شەوە چەپکەگوڵی رێز و خۆشەویستییان  پێشکەش کرا.، دیارە بەهۆی ئەوەی کاك “حەسەن جەنگە” نەیتوانیبوو بەشداریی رێوڕەسمەکە بکات، بە نوێنەرایەتی کاک حەسەن، کاک “یونس موکری” لۆحەکەی وەرگرت.

بڕگەی کۆتایی رێوڕەسمەکە تایبەت بوو بە چالاکی هونەری، لەو بەشەشدا، هەریەک لە هونەرمەندانی ناسراو و خۆشەویستی گەلەکەمان بەڕێزان کاک “ئەیوب عەلی و کاک سەباح  رەواندزی” وێڕای پێشکەشکردنی چەند ئاهەنگی شۆڕشگێری و نیشتیمانی، بە دەنگە خۆشەکەیان ئاگەنگەکەیان زیاتر رازاندەوە ئامادەبووان بە شایی ھەڵپەڕکێ و خۆشی، جێژنی نەتەوەیی کۆماری کوردستانیان بەرز و پیرۆز راگرت.

شایەنی باسە کە پەیام و بروسکەی پیرۆزبایی لە لایەن ئەو حیزب و ناوەند و رێکخراوانەوە بە کۆمیتەی بریتانیای حیزبی دێموکراتی کوردستان گەیشتبوون.

– پارتی دێموکراتی کوردستان

-کۆمەلەی زەحمەتکێشانی کوردستان – کۆمیتەی بریتانیا

– حزب مردم بلوچستان

– شوراي دمكراسي خواهان ايران

– حزب تضامن دمكراتيك الاهواز

– جبهه متحد بلوچستان

حیزبی دێموکراتی کوردستان-کۆمیتەی بریتانیا

٢٦ی جانیوێری ٢٠٢٠ زایینی

Be the first to comment

Leave a Reply

Your email address will not be published.


*