بەشداری هەیئەتێکی ح د ک لە ڕێورەسمی ساڵڕۆژی دامەزرانی پارت دیموکراتی کوردستان لە شاری هامبۆرگ

کۆمیتە ناوچەی ھامبورگی حیزبی دێموکراتی کوردستان لە سەر بانگھێشتی فەرمی کۆمیتەی ھامبورگی پارتی دێموکراتی کوردستان بەشدارییان لە یادی ۷۳ ساڵەی دامەزراندنی پارتی دیموکراتی کوردستان لە شاری کیل لە وڵاتی ئاڵمان کرد. ڕۆژی یەک شەممە ڕێکەوتی ١٨-٠٨-٢٠١٩ی زایینی، هەیئەتێکی کۆمیتە ناوچەی باکوری ئاڵمانی حیزبی دیموکراتی کوردستان بە نوێنەرایەتی بەڕێزان بێھزاد کارساز و ھادی شارستانی، بەشداریان لە یادی ۷۳ ساڵەی دامەزراندنی پارتی دیموکراتی کوردستان لە شاری کیلی وڵاتی ئاڵمان کرد. سەرەتا کۆمیتەی ئامادەکاری بە بەرپرسایەتی بەڕێز عەلی نێروەیی بەخێرهاتنی بەشدار بووانی کرد و دواتر چەندین باس و وتار لە سەر دامەزرانی پارتی دیموکراتی کوردستان پێشکەش کران. پێویست بە ئاماژەیە کە کۆمیتەی ئامادەکاری ئەو یادە بەخێرهاتن و سوپاسی هەموو ئەو حیزب و ڕێکخراوانەی کرد کە بەشدار بوون و بروسکە و پەیامیان سەبارەت بەو ڕۆژە ناردووە. جێگەی باسە کە هەیئەتی حیزبمان پەیام و چەپکە گوڵی پیرۆزباییان پێشکەشی دەستەی ئامادەکاری ئەو ڕێوڕەسمە کرد.

حیزبی دێموکراتی کوردستان- کۆمیتە ئاڵمان

Be the first to comment

Leave a Reply

Your email address will not be published.


*