کۆچی دوایی پێشمەرگەیەکی کۆماری کوردستان لە شاری مەهاباد

رۆژی ٨ی پووشپەڕی ١٣٩٨ی هەتاوی مام حوسێن محەمەدی خەڵكی مەهاباد دوای ماوەیەك نەخۆشی كۆچی دواییبكرد. مام حوسێن لە سەردەمی كۆماری كوردستان پێشمەرگەی كۆمار و ئەندامی حیزب بوو. دوای تێكچوونی كۆمار مام حوسێن هەر وەفادار بە رێبازی حیزب و شەهیدان مایەوەو . سەرەتای شۆڕشی گەلانی ئێران و رووخانی حكوومەتی بنەماڵەی پەهلەوی مام حوسێن سەرلەنوێ چەكی دەست دایە و ماوەیەك بووەوە بە پێشمەرگە. دواتر كوڕ ێكی مام حوسێن بە ناوی مستەفا بوو بە پێشمەرگە و ئەركەكەی بابی بەجێ گەیاند و درێژەدانی رێگاكەی وەئەستۆ گرت. كچێكی مام حوسێن بە ناوی زێنەب لە یەكێك لە شەڕەكانی شاری مەهاباد لە لایەن جاشەكانەوە تەقەی لێدەكرێ و شەهید دەكرێ.خانووەكەی موسادەرە دەكرێ و چەندین جار دەگیرێ و ئەشكەنجە دەدرێ بەڵام قەت دەست لە بیروبڕوای خۆی هەڵناگرێ و دایمە هاندەر و پشتیوانی پێشمەرگەكان بوو. مام حوسێن لە تەمەنی ٩٤ ساڵیدا دڵە پڕ هیواكەی لە لێدان كەوت. ‎رووحی شاد و رێگای خەباتی ئاوەدان بێ. ناوەندی ڕاگەیاندنی حیزبی دیموکراتی کوردستان، بە بۆنەی کۆچی دوایی ئەو پیاوە تێکۆشەرەوە، پرسە و سەرەخۆشی ئاڕاستەی بنەماڵە و کەس و کاری لە ناوخۆ و دەرەوەی وڵات، بە تایبەت هاوڕێیانی ئازیزمان کاک مستەفا محەممەدی و خاتوو ئەفسەر محەممەدی دەکات و خۆمان لە خەمیان دا بە شەریک دەزانین.