بەشداری هەیئەتێکی حیزبی دیموکراتی کوردستان لە ساڵیادی کۆچی نەمر کاک نەوشیروان مستەفا لە ڤییەنی پێتەختی وڵاتی ئۆتریش

رۆژی یەکشەممە لە رێکەوتی ۱۹/٥/۲۰۱۹ هەیئەتێکی کۆمیتەی حیزبی دیموکراتی کوردستان لە وڵاتی ئۆتریش کە پێکهاتوون لە بەپرسی پەیوەندییەکانی حیزب “ئاسۆ ئەحمەدیان” و کەسانی خاوەن ئەزموونی ناو حیزب کاک “خدر حەمزە نژاد” و کاک “محەممەد فەقێ عەلی” لە ساڵیادی مەرگی نەمر کاک نەوشیروان مستەفا بەشداریان کردو پەیامی هاوخەمی خۆیان بە بۆنەی مەرگی ئەو سەرکردە نەمرە بە بزوتنەوەی گۆڕان ڕاگەیاند.

لەو ڕێوەڕەسمەدا کە لە (Wien Neue Donau )بەڕێوەچوو لە سەرەتادا بە بۆنەی لە دەستدانی نەمر کاک نەوشیروان چەند مۆمێکیان داگیرساند و دواتر بەرپرسی پەیوەندییەکانی حیزب لە ئۆتریش “ئاسۆ ئەحمەدیان” لە نامەیەکدا کە بە بۆنەی ئەو تاڵ یادە بۆ بزوتنەوەی گۆڕانی نووسیبوو ئاماژەی بە رەوڵ و پێگەی نەمر کاک نەوشیروان لە ناو بزوتنەوەی گەڵی کورد دا کردبوو و بە بۆنەی لە دەستدانی ئەو سەرکردە پەیامی هاوخەمی حیزبی دیموکراتی کوردستانی ئاراستەی کۆمیتەی بزوتنەوەی گۆڕان لە وڵاتی ئۆتریش کرد .

کۆمیتەی حیزبی دیموکراتی کوردستان لە وڵاتی ئۆتریش